ILOILO CITY – Mas naganubo pa ang economic growth sang halos kadam-an sang mga pungsod sa kalibutan bangud sa epekto sang nagapadayon nga kinagamo sa Ukraine.
Suno kay Kristalina Georgieva, managing director sang International Monetary Fund, iya ginpahayag nga magluwas sa mga nagkalamatay, ang kinagamo ang nagpakita sang pila ka problema sa international system sa tion nga ang global cooperation ang naga-isahanon nga solusyon.
Ang kinagamo ang nagluntad samtang nga nagapadayon pa ang recovery sa epekto sang COVID-19 pandemic nga nagtuga sang pagtaas sang inflation kag nagpanubo sang kita sa sulod sang duha ka tuig.
Dugang pa ni Georgieva, ang kalibutan ang naga-eksperyensya sang krisis sa tunga sang krisis.
Madamo sang mga pamilya nga naga-antos sang mataas nga presyo sang pagkaon kag gatong kag ang ini nga kinagamo ang mas nagpalala pa.
Ang IMF ang natalana nga magpagwa sang updated economic forecast sa Martes nga ginapanan-aw nga magapanubo sang estimate sa global growth tubtob sa 4.4 percent sa Enero ilabi na sa 143 ka mga pungsod.
