Ginaduso sang economic managers sang administrasyon ni President Ferdinand Marcos Jr. ang P7.2-trilyon nga national budget para sa 2027.
Ini ang mas mataas sang 6% kumpara sa P6.793-trilyon nga budget sang 2026.
Suno sa Development Budget Coordination Committee (DBCC), ang ginaproponer nga budget nagatuyo nga mas pasangkaron ang paggamit sang pondo sang gobyerno paagi sa pagpabaskog sang transparency kag paghatag sang budget sa mga nagapanguna nga mga programa.
Target man sang gobyerno nga mapasaka ang koleksyon sang kita sa P5.21 trilyon sa 2027 paagi sa pagpatuman sang mga reporma sa sistema sang buwis kag pagpaayo sang pangolekta sang buwis.
Ginapaabot sang DBCC nga magahinay ang pagsangkad sang ekonomiya sa 3.5 tubtob 4.5% sa 2026 bangud sang mga pagpanghangkat sa sulod kag guwa sang pungsod, lakip ang mataas nga inflation, tensyon sa Middle East, kag posible nga epekto sang El Niño.
Apang ginapaabot man nga magbalik ang mas mabaskog nga pagsangkad sang ekonomiya sa 5 tubtob 6% halin 2027 tubtob 2030.
Ginalauman man sang gobyerno nga mapanubo ang fiscal deficit sa 3.5% sang gross domestic product (GDP) pag-abot sang 2030.
