Magapatigayon ang Japan kag Pilipinas sang high-level meeting sa masunod nga semana nga magatutok sa imprastraktura.
Patigayunon ini sa Tokyo, Japan sa Agusto 28-29 kag mayor nga istoryahan ang Official Development Assistance (ODA) kag satellite infrastructure projects.
Magatambong ang mga opisyal sang Department of Finance, Department of Public Works and Highways, Department of Budget and Management, National Economic and Development Authority, Department of Energy, Department of Transportation kag Department of Information and Communications Technology.
Ang economic team sang Marcos Jr. administration ang ginalauman man nga magapakigkita kay Japanese Prime Minister Fumio Kishida.
Matandaan nga sa official visit ni Marcos sa Japan sang Pebrero, ginpahayag ni Kishida ang intensyon sang Japan nga buligan ang Pilipinas nga malab-ot ang status nga upper middle income country pag-abot sang 2025.
Ini paagi sa ODA kag sa bulig sang private sector investment nga 600 billion yen ukon masobra P231-billion sa Japanese fiscal years 2022-2023.
