Nag-guwa sa isa ka pagtuon nga yara gid sa pinakamanubo nga pwesto ang Pilipinas pag-abot sa resilience sang ekonomiya kag response sa COVID-19 crisis.
Sa latest Covid Resilience Ranking sang international news agency nga Bloomberg, nakasaad nga 40.2 ang score ang Pilipinas — ang lowest out of 53 ka mga pungsod nga gin-rank sang pagtuon.
Sa nagligad nga report sa amo man nga pagtuon, nagapang-52 ang Pilipinas.
Ang iban nga mga Southeast Asian Countries nga yara man sa bottom five amo ang: Indonesia (52.4 ang score), Thailand (47.6), Malaysia (44.1), kag Vietnam (43.7).
Ang monthly ranking sang Bloomberg ang nagabase sa kaso sang coronavirus sa mga pungsod, quality of life, kag “reopening progress,” nga nagalakip man sang estado sang vaccination kag lockdown, amo man ang flight capacity sang mga airline companies. Nagapangibabaw sa listahan amo ang mga pungsod halin sa Europa: Ireland, Spain, the Netherlands, Finland, kag Denmark. ##
