Mas halog ang Enhanced Community Quarantine (ECQ) subong ipaanggid sang tinalikdan nga tuig.

Sa interview sang Bombo Radyo kay Iloilo Police Provincial Office (IPPO) Director PCol. Gilbert Gorero, iya ginpahayag nga nag-adjust sang ECQ protocols ang Inter-Agency Task Force base man sa ila nga Omnibus guidelines.

Suno kay Gorero, kinahanglan lang nga sundon ang ginpaguwa nga guidelines sa executive order ni Iloilo Governor Arthur Defensor Jr.

Kun luyag sang isa ka local chief executive nga magpatuman sang lockdown sa iya nga lugar bangud sa nagataas nga kaso sang COVID-19, mahimo man niya ini apang indi buot silingon nga bug-os nga probinsya ang i-lockdown bangud dapat nga balansehon man ang ekonomiya.

Dugang pa sang provincial director, dapat sa gihapon padayunon ang tatlo ka “M” ukon magdistansya, magmaskara kag manghinaw.