Napa-“eh di wow” si Senador Juan Zubiri matapos nga ginpahayag sang iban nga senador nga masobra na 10 sa ila mga kaupdanan ang naga-suporta kay Francis “Chiz” Escudero nga magpabilin bilang Senate President sa 20th Congress.
“Eh di wow! Congratulations!” pahayag sang former Senate President samtang nagakadlaw.
Ginpabutyag sini nga si Senador Tito Sotto gihapon ang iya luyag nga mangin lider sang upper chamber. Wala man sini direkta nga ginhambal ang pangalan ni Escudero, apang ginpanglawag sini ang iya ginapaboran sa istilo ni Sotto bilang lider.
“Ako naman, I’m not actively campaigning [for the Senate presidency]. Of course, I’m supporting Senator Tito Sotto.” Dugang sini: “Ang nagustuhan ko kay Sen. Sotto, naniniwala siya sa consensus building katulad ng ginawa ko for my two years as senate president. [Hindi] po siya diktador.”
“I am for a leader of the Senate that will keep protecting the integrity, the traditions of the Senate. I don’t want a Senate leader who would (lead with) a dictatorial (style),” pahayag man sini anay sa nauna nga interview.
Matandaan nga sanday Senador Alan Peter Cayetano kag Senador Joel Villanueva ang nagsiling nga may 13 na ka senador ang naga-suporta kay Escudero nga indikasyon sang dako nga posibilidad nga siya ang magapadayon sa liderato.
Si Sotto ang nagserbe bilang SP sang 2018-2022. Una na sini ginpahayag sa interviews nga handa siya sa pagserbe sa Senado sa anuman nga kapasidad lakip na ang pagtindog bilang minority leader kun indi man siya ang mapilian nga Senate President.#
