ILOILO CITY- Ginalauman nga pangunahan sang pole vaulter nga si EJ Obiena ang Philippine athletics team sa 2024 Paris Olympic Games.
Ang 6-foot-2 Filipino pole vault star ang isa sa tatlo ka delegates sang pungsod sa Olympics’ athletics event, kaupod ang hurdlers nga sanday Lauren Hoffman kag John Cabang Tolentino.
Apisar nga nagtapos ini nga fourth sa Meeting de Paris sa France sang Domingo, ginsundan naman ini sang duha ka first-place finish sa Memorial Czeslawa Cybulskiego sa Poland.
Ini ang rason kun nga nagapati si Philippine Athletics Track and Field Association (PATAFA) Secretary General Jasper Tanhueco nga makuha ni Obiena ang gold para sa Pilipinas sa Summer Games’ Pole Vault tournament.
Si Obiena ang yara subong sa training camp sa Paris kaupod sa iya coach nga si Vitaly Petrov sa pagpadayon sang ila nga last stages sang preparasyon para sa Olympics.
Handom sini nga makabawi gikan sa 11th-place finish sa Tokyo Games.
Si Obiena ang una nga maga- compete sa tanan nga atleta sang Pilipinas sa athletics kun sa diin magahampang ini sa Stade de France sa men’s qualification round sa Agusto 3 sa las-4 sa hapon oras sa Pilipinas.
Kun siya ang makaabante, ang Finals ang patigayunon sa Agusto 5.
