Gin-anunsyo ni Filipino pole vaulter EJ Obiena nga indi ini makahampang sa 2025 World Athletics Indoor Championships, apang ginsiguro nga yara ini sa maayo nga kondisyon.
Sa baylo, maga-focus ang two-time Olympian sa outdoor season kun sa diin itiglawas sini ang Pilipinas sa pila ka high-profile competitions.
Ang 29-anyos nga si Obiena, nga yara subong sa ikaapat nga pwesto sa world ranking, ang magabalik sa hampang sa Marso 13 sa Mondo Classic sa Uppsala, Sweden.
Ang World Indoor Championships naman ang natalana sa Marso 21-23 sa Nanjing, China.
Pahayag niya, apisar ma tiempo pa agud mag-qualify para sa World Indoor Championships, wala naman ugaling sang kompetisyon nga nabilin kun sa diin siya mahimo nga makapartisipar.
Ulihi nga naghampang si EJ sang Pebrero 16 sa Toruń, Poland.
