Kuwalipikado na sa Paris Olympics ang Filipino pole vaulter nga si EJ Obiena!
Siya ang labing-una nga Pinoy nga naka-qualify sa Olympiada sa 2024 matapos nakadaog sang silver medal sa prestihiyo nga Diamond League sa Stockholm, Sweden.
Na-clear sini ang entry standard nga 5.82 meters kag nagtapos nga pangaduha sa Olympic gold medalist kag world record holder nga si Armand Duplantis nga nakalukso naman sa 6.05 meters.
Matandaan nga sa Tokyo Games sang 2021, nagpang-11 si Obiena sa pole vault finals.
Ang sunod nga balantayan nga maka-qualify sa 2024 Olympics amo ang Pinoy gymnast nga si Carlos Yulo nga magaagi anay sa World Gymnastics Championships sa Oktubre.
