Amat-amat na nga nagarekover ang ekonomiya sang Pilipinas sa tunga sang pagpahalog sang mga quarantine restrictions bangud sa COVID-19 pandemic.
Suno kay Department of Finance Undersecretary Gil Beltran, 12.6 percent nalang ang narecord nga pagnubo sang merchandise trade sa pungsod sang Oktubre.
May improvement na diri suno kay Beltran ipaanggid sa 59.5 percent nga pagsusurot sang merchandise trade sang Abril 2020 sang ginpaidalom ang Luzon kag iban pa nga bahin sang pungsod sa tuman ka hugot nga mga mobility restrictions.
Pahayag ni Beltran, lakip man diri ang exports kag imports sang mga produkto sa diin 65.3 percent ang pagdecline sang Abril.
Nagapati si Beltran nga samtang nagahulat ang pungsod sang COVID-19 vaccine, kinahanglanan buksan man sang gobyerno ang iban nga sektor sang ekonomiya.
Dugang pa sang natungdan, dapat nga i-adopt sang Pilipinas ang mga economic reform agud makaganyat sang investments.
