ILOILO CITY – Ginalantaw sang ASEAN+3 Macroeconomic Research Office (AMRO) nga magasanyog pa ang ekonomiya sang pungsod Pilipinas sa 6.5% subong nga tuig kag sa masunod pa bangud sa paghalog na sang mobility restrictions.
Ang AMRO ang isa ka macroeconomic surveillance organization nga may tinutuyo nga mag-contribute sa pag-secure sang macroeconomic kag financial stability sang mga pungsod sa ASEAN+3 region.
Sa statement ni AMRO lead economist Dr. Siu Fung Yiu, ang ekonomiya sang pungsod Pilipinas ang magasanyog pa sang 6.5% subong nga tuig sang 2022 kag sa 2023.
Kinahanglan suno kay Yiu ang padayon nga fiscal support kag mataas nga vaccination rate agud nga mapadayon ang pagsanyog sang ekonomiya kag ma sustain ang recovery momentum.
Ang ekonomiya sang pungsod ang nagtaas sang 5.6% sang 2021 pagkatapos sang 9.6% nga pagtaas sang 2020.
