Mas maga-antos pa ang ekonomiya sang Pilipinas matapos madugangan ang mga lugar nga ginpaidalom sa mas istrikto nga quarantine classification.
Suno kay Socioeconomic Planning Secretary Karl Kendrick Chua, ang pagpaidalom sa community quarantine classication ang magaresulta sa pakadula sang production output sang P150 billion kada semana.
Ini ang magaapekto sa masobra 600,000 nga mga mamumugon kag magasaka ang numero sang mga pigado sa 250,000.
Ginabanta P105 million sang ekonomiya ang madula kada semana sa National Capital Region (NCR) nga yara sa idalom sang enhanced community quarantine — ang pinaka-istrikto nga quarantine level.
