ILOILO CITY – Posible nga mag-expand pa ang ekonomiya sang pungsod tubtob sa 7.2 percent subong nga tuig antes ini magnubo sa masunod nga tuig.
Ini ang suno sa Philippines Economic Update nga ginpagwa sang World Bank.
Ang mabaskog nga performance sang ekonomiya sa una nga tatlo ka quarters subong nga tuig ang bangud sang paghagan-hagan na sang mobility restrictions nga nagresulta sang mas madamo nga negosyo.
Samtang, ang paghina sang ekonomiya sa 2023 ang bangud sang reduced consumer demand, mataas nga inflation kag mas mataas nga interest rates nga magapanubo sang household spending kag investment.
Ang inflation rate sang Nobyembre ang nagdangat sa 8 percent nga amo ang pinakamataas humalin sang November 2008.
