Masami ginapangita sang kadam-an nga mga Pilipino amo ang epektibo nga mga cream, habon ukon ano man nga makapaputi ukon makapapino sang supat.
Apang ano ikaw ka sigurado nga safe ang mga ginagamit mo nga pampaputi ukon pampagwapa?
Ang Asia Pacific region ang may pinakadako nga share sa global skin lightening products sa merkado.
Samtang ang Pilipinas amo ang nagapanguna sa listahan nga mahilig magbakal sang mga pampaputi.
Suno kay Thony Dizon, isa ka chemical safety campaigner, ang mga baratuhon nga mga creams ukon pampaputi nga ginagamit sa nawong ang delikado sa panit bangud may yara ini sang mercury content.
Ang ini nga mga produkto ang mabakal sa tindahan nga nagabalor lamang sang singkwenta pisos (P50).
Ang paggamit sang produkto nga may mercury kag pagbutang sini sa supat adlaw-adlaw ang nagatuga sang tremors, kidney failures kag birth defects sa baby para sa mga nagabusong.
Gani panugyan sang doktor, kun luyag gid nga magpaputi, mangin mahinalungon sa mga ginabakal nga skin whitening products.
