Gin-endorso sang influential Catholic charismatic group El Shaddai sanday former senator Bongbong Marcos kag Davao City Mayor Sara Duterte nga ila kandidato para sa president kag bise presidente.
Ini ang gin-anunsyo sang founder nga si Bro. Mike Velarde.
Suno kay Velarde, tanan nga kandidato sa national positions ang ila nga ginkunsiderar nga i-endorso apang si Marcos kag Duterte lang ang nag-approach sa grupo.
Sa amu nga endorsement, ang El Shaddai’s chapters sa nagkalain-lain nga probinsya kag abroad ang nahatagan na sang instruction nga suportahan sanday Marcos kag Duterte.
Magluwas sa amu nga tandem, gina-suportahan man sang El Shaddai sanday former Public Works Secretary Mark Villar kag former police chief Guillermo Eleazar, nga lunsay nagapadalagan bilang senador.
Suno kay Velarde, i-anunsyo sang grupo ang ila nga senatorial endorsements kada Saturday tubtob nga makumpleto ang 14 ka mga senador.
