ILOILO CITY – Ginadumilian ang mga electric bike nga magbyahe sa city road ukon national road.
Sa interview sang Bombo Radyo kay Public Safety and Management Office head Mr. Jeck Conlu, iya ginpahayag nga ginakonsidera ang electric bike nga mag biyahe kun yara lamang ini sa barangay road.
Suno kay Conlu, wala sang prangkisa ang mga electric bike indi kaangay sa mga trisikad ukon tricycle nga may yara.
Paathag niya, ang electric bike ang nagakadapat nga personal use lamang kag indi commercial use.
Ginakabig man ni Conlu nga iligal ang electric bike nga nagabiyahe sa city road kag national road.
Sa tion nga may madakpan ang traffic auxilliary nga nagabyahe nga mga electric bike sa syudad, ginakumpiska ini sang mga otoridad.
