Ginalauman nga magasaka sang presyo sang kuryente sa masunod nga due date sang electric bills.
Ini kasunod sang Red kag Yellow Alerts nga ginpagguwa sang Luzon kag Visayas Grid matapos naka-eksperyensya sang power shortage ang pungsod.
Suno kay Energy Regulatory Commission Chairperson Monalisa Dimalanta, wala pa nakapaguwa sang presyo nga ipasaka bangud magadependi pa ini kun pila ang nakuha nga elektrisidad sang electric utility ukon kooperatiba halin sa Wholesale Electricity Spot Market.
Gin-athag man ni Dimalanta nga indi na malakip sa pagtaas sang kuryente ang adlaw nga ginpaidalum ang Luzon kag Visayas sa red kag yellow alerts sang Abril.
Ginpabilin naman ni Dimalanta sa mga utility kag cooperative electric distributors ang posibilidad nga pagpasaka sang masobra P1 per kilowatt hour.
Nagpasalig man ang natungdan nga ang Wholesale Electricity Spot Market ang indi mag-untat sang operasyon apisar pa nga nakapaidalum ang isa lugar sa Red alert.
Nahibaluan nga ang Luzon grid ang ginpaidalum sa yellow alert sang Mayo 2 sa diin, ginaimbestigaran na ini sang ahensya bangud sa wala sang abiso sa mga konsumidor ang amo nga tikang.
