Palawigon sang Energy Regulatory Comission (ERC) ang pagsuspende sang electricity disconnections sa bug-os nga pungsod tubtob adlaw sang Paskwa.
Suno sa sa opisyal sang isa ka electric utility sa pungsod sakop sang amo nga mando ang mga residential consumers nga may monthly electricty consumption nga indi maglapaw sa 200 kilowatt per hours halin Nobyembre tubtob Disyembre.
Dugang pa niya nga ang mga consumers nga maglapaw sa 200-kWh ang pagkonsumo, posible nga indi malakip sa nasambit nga mando suno sa ginpatuman nga patakaran sang ERC.
Ginapanugyanan ang mga consumers nga usisaon ang mga nabilin nga balance kag asikasuhon ang ila mga accounts bag-o mag-abot ang deadline agud malikawan ang service interruption.
Text by: Bombo Paula Yvonne Alavarta
