ILOILO CITY – Posible nga indi na madayon ang electronic disbursement sang ayuda sa idalom sang Social Amelioration Program (SAP) sa syudad sang Iloilo.
Sa interview sang Bombo Radyo kay Teresa Gelogo, focal person sang City Social Welfare and Development Office (CSWDO), iya ginpahayag nga ginakonsiderar pa sang mga opisyal ang amo nga option bangud mahimo nga 150 ka tawo kada adlaw lang ang mahatagan.
Suno kay Gelogo, kun amo sini ang kadugayon, mahimo nga isa pa ka bulan kag matapos ang distribution sa tanan nga benepisyaryo sa syudad.
Plan B suno sa opisyal ang ginaistoryahan kun sa diin dapat nga mag-agi “Over The Counter” ang ayuda.
Base sa nangin ekspersyensya sang City Social Welfare and Development Office sa una nga hugnat sang distribution, mahimo matapos ang tagtaganay sa sulod sang 3 ka adlaw kun simultaneous ang pagpatigayon sini sa syudad.
