ILOILO CITY – Fully operational na ang duha ka elevators sa pedestrian overpass sa Diversion Road.
Sa interview sang Bombo Radyo kay Mr. Joel Gerasmia, Electrical Inspector II sa Iloilo City Engineer’s Office, iya ginpahayag nga ginahulat na lamang ang opisyal nga pag-turn over sang contractor agud nga mahimo na nga ma-agyan ang elevators.
Suno kay Gerasmia, P5 million ang gingasto sang syudad agud nga ma-islan ang duha ka unit sang elevator nga una nga ginsirado sa sulod sang pila ka tuig.
Pahayag dugang sang natungdan, personal nga gin-inspect ni Iloilo City Mayor Jerry Treñas ang proyekto kag ginsakyan pa ang mga ini.
Ang bag-o nga elevators ang i-maintain sang City Engineer’s Office.
Ginklaro ni Gerasmia nga bukas sa tanan ang elevators apang prayoridad ang persons with disability kag mga nagabusong.
Ang overpass nga ginakabig “state-of-the-art” kag “first of its kind in Western Visayas” ang proyekto sang Department of Public Works and Highways nga gin-inagurahan sang 2015 apang ang duha ka mga elevators ang wala naga-andar rason nga wala napuslan sa sulod sang pila ka tuig.
