Isa ka bulan matapos ginsapubliko sang aktres nga si Ellen Adarna kag aktor nga si Derek Ramsay ang ila relasyon, gin-anunsyo na engaged na sila.
Sa isa ka Instagram post, ginpakita ni Ellen ang iya nga singsing sa iya kamot.
May yara man sang mga laragway halin sa proposal sang aktor.
May laragway man nga ginpakita nga nagahibi kag shocked si Ellen bangud sa proposal.
Ang Instagram post ni Ellen ang may caption nga ‘Game Over’.
Iselebrar sang duha ang ila second monthsary sa Abril 4.
Matandaan nga Enero subong nga tuig sang ginhuring-huring nga may nagapatunga sa duha matapos nakit-an ang ila sweet moments sa isa ka dinner party kaupod ang ila celebrity friends.
