Malipayon nga gin-anunsyo sang actor nga si Derek Ramsay nga nagbun-ag ang iya misis nga si Ellen Adarna sang ila una nga baby!
Mismo si Derek ang nag-share sang laragway sang aktres sa hospital bed samtang nga may ginakungkong apang hungod nga gintabunan ang nawong.
Pahayag ni Derek, “My world keeps getting better and better.”
Wala gilayon ginpahibalo ni Derek kun ano ang gender sang bata apang maabtik ang well-wishes halin sa iban nga celebrities kaangay kanday Jessy Mendiola, Matteo Guidicelli, Cristalle Belo, Carmen Soo, Karen Davila, kag iban pa.
Isa ini ka sorpresa sa fans bangud wala man sang kumpirmasyon halin sa mag-asawa nga nagabusong na si Ellen.
Nobyembre 2021 sang ginkasal ang duha. Pareho sila nga may anak sa ila nauna nga mga karelasyon: si Elias nga bata ni Ellen kay John Lloyd Cruz, kag si Austin Ramsay nga bata naman ni Derek sa iya former wife nga si Christine Jolly.
Una naman nga ginpahayag ni Ellen nga gusto na nila ni Derek nga makaangkon sang kaugalingon nga anak rason nga nag-untat siya sa pagpanigarilyo sang Hunyo 2023 agud nga mapreparar ang iya lawas sa pagdala sang anak.
