Ginpahibalo sang Department of the Interior and Local Government (DILG) nga ila pa i-upgrade ang Emergency 911 system sa bug-os nga pungsod agud mapabaskug ang pagresponde kag koordinasyon sa tion sang emerhensya kag kalamidad.
Suno kay DILG Secretary Jonvic Remulla, kabahin ini sang ila tinutuyo nga matutukan ang kahandaan sang mga local government units (LGUs) kag masiguro nga makaresponde na ang mga ini antes pa man mag-abot ang bagyo ukon iban pa nga kalamidad.
Ginpanugyan man ni Remulla ang mga LGU nga i-update ang disaster preparedness plans, bantayan ang mga waterways, kag ihanda ang rescue assets samtang wala pa ang peligro.
Ginsiguro ni Remulla nga seryoso ang DILG sa pagpanguna sa mga reporma para mas epektibo nga maserbisyuhan ang publiko sa oras sang krisis.
