MANILA– Pagasugudan na ang emergency hiring sang dugang nga mga healthcare workers sa pungsod.
Ini matapos nga nagpaguwa na sang direktiba ang Inter-Agency Task Force on the Management of Emerging Infectious Diseases para sa hiring bangud madamo na sang mga doktor kag nurses sa pungod ang nagpositibo sa Coronavirus Disease 2019 (COVID-19).
Suno kay Cabinet Secretarty Karlo Nograles, mismo ang Department of Health ang magapanguna sa paghire sang dugang nga mga healthcare worker nga kinahanglanon.
Gin-athag man ni Nograles nga ang nasambit nga lihok ang sa gihapon ipaidalom sa evaluation sang Department of Budget and Management bilang pagsunod sa Resolution No. 23 sang Inter-Agency Task Force.
Suno naman sa Department of Health, ang paghire sang mga doktor, nurses kag iban pa nga healthcare workers ang yara sa idalom sang contract service sa diin may yara sang minimun nga tatlo ka bulan.
Ang mga ma-hire ang iga-deploy sa DOH- designated COVID-19 referral hospitals, temporary treatment facilities for COVID-19 kag designated nga mga diagnostic facilities.
