Gin-anunsyo na sang Academy of Motion Picture Arts and Sciences ang nominees sa 97th Academy Awards ukon ang Oscars matapos duha ka beses nga naatrasar bangud sa wildfires sa Los Angeles, California, USA.
Nagapanguna sa numero sang nominasyon ang transgender cartel musical nga “Emilia Perez”.
Ang pag-nominate sa ila sa 13 categories ang nag-set man sang record bilang most nominated foreign film sa Oscars history nga nagguba sang record sang Roma sang 2019 kag Crouching Tiger kag Hidden Dragon sang 2001 nga lunsay nakabaton sang 10 nominations.
Lakip sa posible nga madag-an sang Mexico-set musical nga mga kategorya amo ang best picture, cinematography, sound, editing, picture, visual effects kag best song.
Si Karla Sofia Gascon halin sa amo nga film ang gin-nominate man sa Best Actress award kag amo ang una nga transgender person nga na-nominate sa acting prize sa maragtas sang Oscars. Yara man si Zoe Saldana nga nominated sa best supporting actress award. Wala naman nadala sa nominations ang ila mas bantog nga co-star nga si Selena Gomez nga nakabaton sang kritisismo bangud sa iya Spanish-language dialogue.
Ang second most nominated film amo ang Wicked nga may 10 nominations lakip ang best score, costume design, production design kag film editing. Ang lead actresses sini nga sanday Cynthia Erivo kag Ariana Grande ang may tyansa man nga madala pauli ang best actress and supporting actress awards.
Balantayan ang pag-anunsyo sang winners sa live kag televised ceremony halin sa Hollywood sa Marso 2.
