Mabaton sang mga empleyado sang Iloilo Provincial Government ang P47,000 nga incentives subong nga Disyembre.
Ini kasunod man sang pag-apruba sang Sangguniang Panlalawigan sang Appropriation Ordinance No. 2024-04 kag Approrpiation Ordinance No. 2024-05.
Sa interview sang Bombo Radyo kay Iloilo 4th District Board Member Domingo Oso Jr., Chairman sang Committee on Appropriations sa Sangguniang Panlalawigan, iya ginpahayag nga ang ordinansa ang nagahatag sang supplemental budget no. 3 kag no. 4 para Productivity Enhancement Incentive nga P5,000, Collective Negotiation Agreement Incentive nga P22,000, kag Service Recognition Incentive nga P20,000.
Suno kay Oso, pagapirmahan na lang niya ang ordinansa agud nga maproseso kag mapirmahan ni Iloilo Governor Arthur Defensor Jr.
Ginpahayag man sini nga santo sa mandato sang Department of Budget and Management (DBM), kinahanglan nga indi maglapaw sa Disyembre 31 kag dapat mahatag na sa mga empleyado ang incentives.
Lakip naman sa makabaton sang mga insentibo amo ang opisyal sang provincial government, regular, contractual, kag casual.
Samtang makabaton naman sang gratuity pay ang mga job hires.
