Makaluluoy ang gindangatan sang isa ka empleyado sang National Irrigation Administration (NIA) matapos nga ginkastigo tubtob napatay kag ginlubong gamit ang backhoe Sitio Lampong, Barangay Escoting, Nueva Vizcaya.
Ang biktima amo ang 46-anyos nga si Walter Bango, assigned sa NIA plantation sa banwa sang Diadi sa amo nga probinsya.
Base sa report, ulihi nga nakit-an nga buhi ang biktima sang Oktubre 9.
Kasunod sang insidente, nagsungka ang isa sa mga suspek bangud nakonsensya.
Sa pagsugid sang suspek angot sa natabo, ginsiling niya nga ginhagad nila inom ang biktima sa isa ka construction site.
Didto natabo ang baisay kun sa diin ila sunod nga ginpulihan ang biktima tubtob napatay kag ila man gilayon nga ginlubong.
Siya man ang nagtudlo kun sa diin nila ginlubong ang bangkay.
Nagsungka naman ang iban pa nga mga suspek samtang ang duwa sa ila ang nadakpan sang kapulisan sa follow-up operation.
