ILOILO – Mahimo nga may yara sang error ukon sala sa data sang Department of Interior and Local Government central office tuhoy sa validation sang Oplan Hawan.
Ini ang kasunod sang reklamo nga may pila ka mga lugar nga nakakuha sang manubo nga rating bisan pa nga mataas ang ila nakuha sa validation sang clearing operations.
Sa interview sang Bombo Radyo kay Department of Interior and Local Government 6 Director Ariel Iglesia, iya ginpahayag nga indi mahinago nga may yara sang sala sa encoding sang data sa website sang central office.
Ginhalimbawa ni Iglesia nga sa Western Visayas, nakapasar ang tanan nga Local Government Unit sa Oplan Hawan apang santo naman sa website sang central office, ang banwa sang Binalbagan sa Negros Occidental ang nakakuha sang failed nga rating.
Suno kay Iglesia, indi pa pinal ang ginpaguwa nga data sang central office sa diin may yara pa sang re-evaluation nga patigayunon agud nga matadlong ang sala nga data.
Ginpahayag ni Iglesia nga ang Western Visayas ang isa sa best performing region kun Oplan Hawan ang pagahambalan.
