Gin-athag sang Malacañang nga indi national holiday ang Enero 27, 2025 ukon subong nga adlaw kundi holiday lamang sa Bangsamoro Autonomous Region in Muslim Mindanao (BARRM) kag iban pa nga Muslim areas nga nakabutang sa idalom sang Muslim Code.
Ini bilang pag-obserbar sa Isra Wal Mi’raj ukon ang Night Journey and Ascension of the Prophet Muhammad.
Ginklaro ni Executive Secretary Lucas Bersamin nga indi ini national holiday bangud may yara sang Facebook page nga una nag-report nga iga-obserbar ini sang bilog nga Pilipinas.
Sa pagpaathag naman ni Bersamin, ang Muslim employees sa non-Muslim areas ang excused mana sa pag-report sa trabaho subong nga adlaw.
Ginakilala ini nga Muslim holiday sa idalom sang Article 169 sang Presidential Decree No. 1083 ukon kilala man nga Code of Muslim Personal Laws of the Philippines.#
