Nasapwan nga patay ang isa ka engineer kag duwa ka empleyado sang hotel sa sulod sang sewage treatment plant sang building nga ila ginakay-o sa Davao City.
Ang mga biktima amo sanday Engineer Reuben James Ramos, 30-anyos; Rextal Banal, 27-anyos; kag Lance Molijon, 26-anyos.
Lunsay miyembro sang Engineering Team kag staff sang Dusit Thani Residence sa amo nga syudad.
Naggwa sa una nga imbestigasyon nga nakuryente ang mga biktima.
Apang sang ginlantaw sang Davao City Fire District-Bureau of Fire Protection, natukiban nga delikado ang lebel sang carbon monoxide sa nasambit nga planta matapos mag-leak ang gas.
Maid-id naman nga ginaimbestigaran kun gas poisoning ukon pagkakuryente ang natabo sa mga biktima.
