Arestado sa ginpatigayon nga raid sang kapulisan ang empleyado sang Local Government Unit (LGU) sang Dueñas, Iloilo bangud sa paghupot sang ilegal nga armas.
Ini ang ginkilala nga si Engr. Rey Palmares, Engineer I sang Municipal Engineering Office sang Dueñas, Iloilo.
Sa interview sang Bombo Radyo Iloilo kay Captain Samuel Vipinosa, hepe sang Dueñas Municipal Police Station, iya ginpahayag nga matapos ginserbihan sang search warrant si Palmares,boluntaryo man niya nga gin-surrender ang iya pusil.
Nakuha sa iya posisyon ang isa ka unit sang 45 caliber pistol, duha ka magazine assembly sang 45 caliber pistol, kag 15 live cartridges sang caliber 45.
Sa subong preso na si Palmares sa Dueñas PNP kag nagapangatubang sa kaso nga paglapas sa RA 10591 ukon Illegal Possession of Firearms.
