Nasapwan nga yara na sa advanced state of decomposition ang bangkay sang isa ka engineering student matapos ini nalumos sa suba nga sakop sang Barangay Buyo, Sta. Barbara, Iloilo.
Ang biktima amo si Braint Jan Suacito, 21-anyos, residente sang nasambit nga lugar, kag isa ka third-year student sa Iloilo Science and Technology University (ISAT-U).
Sa interview sang Bombo Radyo kay Police Captain Raffy Señeres, hepe sang Sta. Barbara Municipal Police Station, iya ginpahayag nga na-retrieve ang bangkay sa Zone 7 sa Barangay Balabag, Sta Barbara.
Natigayon nga na-identify sang pamilya ang biktima bangud sa iya ginasuksok nga shorts.
Matandaan nga gin-report ang insidente sang Myerkules sang hapon, Hulyo 23, apang pila ka beses nga nag-negatibo ang rescue operation tubtub nga nakit-an ang lawas sini subong nga weekend, Hulyo 26.
Santo sa pahayag sang mga nakakita, naligo ang biktima kaupod ang tatlo niya ka abyan sa suba bisan pa nga nagabubo ang ulan.
Antes sini nga insidente, may tatlo ka separado nga drowning incidents sa Iloilo nga ginalakipan sang isa sa Tagbak, Jaro; isa sa Boulevard, Molo; kag isa sa Tigbauan nga nasapwan man sa Ortiz, City Proper. Kadungan ini sang mamunog nga pag-ulan kag pagbaha tuga sang Habagat.#
(Photo is from R6 Iloilo Unicorns Rescue Volunteer Group)
