ILOILO – Nagtuga sang kahangawa sa mga pumuluyo sang Barangay Mañacabac, Janiuay, Iloilo ang engkwentro nga nagluntad sa amo nga lugar nga ginpangunahan sang ginpahayag rebelde nga grupo.
Ang nadakpan amo si Nena Fernando, 66 anyos, kag residente sang Brgy. Ara-al, La Carlota City, Negros Occidental.
Sa interview sang Bombo Radyo kay Punong Barangay Jason Galilea, iya ginpahayag nga ginabanta la 1:00 sang kaagahon sang nabatian nila ang tuman ka tunog nga linupok sang armas-luthang.
Suno kay Galilea, aktibo man ang ila barangay peace and order committee sa diin masami nila nga gina-assess ang kalinong sa kada purok sa ila lugar.
Gin-ako niya nga wala man sila sang ideya nga may nagapuyo nga myembro sang rebelde nga grupo sa ila barangay.
