ILOILO CITY- Siling sang mga mangin- alamon, ang pagtuon sang bag- o nga lenggwahe ang mas mahapos kon yara ka sa mga tawo nga fluent sa paghambal sa amo nga lenggwahe.
Amo na siguro ang rason nga ang iban, duha lang ka semana sa Manila,pagpauli indi na kabalo mag Ilonggo. Naga Tagalog pero Ilonggo pa rin talaga ang kanyang tono.
Kon amo ini sa tawo, sa sapat ayhan pareho man?
May isa ka parrot nga nadula gikan sa Terrance, California.
Siya amo si Nigel, sagad ni siya mag in-English ilabi na sa British accent kag ang iya agalon nga si Darren Chick ang wala gid nakahibalo kon paano siya pangitaon.
Tubtob nga naglab- ot ang apat ka tuig nga pagpangitaay.
Isa ka adlaw, may nagcontact kay Darren tuhoy sa iya nadula nga parrot.
Salamat sa microchip nga yara sa parrot kag natigayon nga makakitaay liwat ang hinuptanan kag agalon.
Apang, wala na sila nag intindihanay bangud indi na makahibalo mag English ang parrot kay ang iya lenggwahe, Spanish na.
Ang rason, ang nakakita sa iya nga lalaki nga taga- Panama ang nagtudlo sa iya sang Spanish.
Bisan may language barrier na, ang importante suno kay Chick, updanay na sila liwat ni Nigel kag gintudluan nalang niya liwat kon paano mag in- English.
