ILOILO CITY – Indi nangin mahapos ang proseso antes naaprubahan sa Iloilo City Council ang Enhanced Local Public Transport Route Plan.
Ini matapos nga nagpaidalom ini sa nanuhay-tuhay nga mga revisions kag ammendments.
Sa interview sang Bombo Radyo kay Councilor Cabaluna, chairman sang Committee on Transportation, iya ginpahayag nga ang nasambit nga route planning ang nangin produkto sang maid-id nga desisyon.
Suno kay Cabaluna, sa tion nga ma-legitimize na ang ruta, mahimo nga ipa-tsikyar ini anay sa Land Transportation Franchising and Regulatory Board.
Diri na ka maga-comply ang Iloilo City Government sa numero sang mga units nga mahimo nga makalabay sa ruta kag makahatag sang maayo nga serbisyo sa publiko.
Ginpahayag dugang sang natungdan nga sa tion nga na-finalize na ang route planning, indi na ini nagakdapat nga amyendarad sa sulod sang tatlo ka tuig.
Matandaan nga kahapon, liwat naman nga nag-init ang session sa Iloilo City Council matapos nga nagsabtanay sanday Iloilo City Councilors Plaridel Nava kag Atty. Sedfrey Cabaluna.
Ini matapos nga naakig si Nava kay Cabaluna matapos nga gintawag niya ini nga “Manong Nava” kag ginsaruso ni Nava ang bataon nga konsehal.
Nagpatunga naman si Councilor Rudolph Ganzon nga nagaserbe bilang presiding officer.
Nagbulig man pugong si Councilor Romel Duron samtang ang iban nga konsehal ang nagatulok lang.
