ZARRAGA, ILOILO– Hugot nga ginapatuman ang enhanced community quarantine sa banwa sang Zarraga bangud sa coronavirus disease 2019.
Sa interview sang Bombo Radyo kay Zaragga Mayor John Tarossa, iya ginpahayag nga indi dapat maglapas sa ginapatuman nga enhanced community quarantine ang mga pumuluyo.
Suno kay Tarossa, ginasunod nila ang executive order ni Iloilo Governor Arthur Defensor Jr. sa isa lang sa tagsa ka pamilya, ang mahimo makagwa sa ila panimalay agud malimitahan ang numero sang mga pumuluyo nga yara sagwa.
Pahayag pa ni Tarrosa, tanan sila sa ila banwa ang nagasakripisyo kag ini ang para man sa kaayuhan sang tanan.
Nagapasalamat man siya suno sa alkalde bangud sa subong, 76 lang ang ila persons under monitoring kag wala sila ang persons under investigation.
Dugang pa sang natungdan, may salabton ang mga barangay officials pananglitan nga may kapabayaan ang mga ini kag masudlan sang mga positibo sa nasambit nga virus.
