ILOILO CITY– Posible nga ipatuman buwas nga adlaw ang Enhanced Community Quarantine bilang kabahin sang preventive measures agud mapunggan ang paglapta sang Coronavirus Disease 2019 (COVID-19) sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga umpisa buwas, Marso 20 tubtob Abril 14, mangin epektibo ang Enhance Community Quarantine.
Suno kay Treñas ang pahanugutan lang nga magbukas amo ang mga merkado, convinience store, sari-sari stores, tanan nga medical facilities, gasoline stations, pharmacies, drugstores, water refilling stations, laundry shops public utilities, money transfer services, bangko, pawnshops, burial kag crematory services, hardware stores, media outlets, transportasyon, Business Process Outsourcing, Knowledge Process Outsourcing kag automobile repair shops.
Ginapapahanugutan nga maka-operate kutob 7:00 sang gab-i ang mga masunod: merkado, convinience store, sari-sari stores, water refilling stations kag laundry shops, bangko, pawnshops, burial kag crematory services kag automobile repair shops.
Ginapanahugutan naman nga maka-operate tubtob 8:00 sang gab-i ang mga masunod: medical clinics, diagnostic centers, laboratrories,money transfer services, remittance centers,hardware stores, gasoline stations, restaurants kag fastfood chains.
Ginpahayag ni Treñas nga kadungan sang pagpatuman sang Enhanced Community Quarantine, istrikto man nga ipatuman ang curfew umpisa 8:00 sa gab-i tubtob 5:00 sang aga, apang may yara sang exemption kasubong sa mga nagatrabaho.
