Iloilo City – Pirmado na ni Iloilo City Mayor Jerry Treñas ang Enhanced Local Public Transport Route Plan.
Ini agud magserbe bilang pagsulundan sa mga ruta sang mga Public Utility Vehicle kag mga operators sa syudad.
Nahibaluan nga ang Enhanced Local Public Transport Route Plan ang may yara sang 25 ka mga ruta kun ipaangid sa 24 ka mga ruta sa original plan.
Sa interview sang Bombo Radyo kay Engr. Joshua Gaquit, Transportation Development Officer II sang Land Transportation Franchising and Regulatory Board Region 6, iya ginpahayag nga ang Enhanced Local Public Transport Route Plan ang amyendaran sang Iloilo City Council antes ang pag-release sang memorandum circular.
Suno kay Gaquit, ang mga pagbag-o sa mga ruta ang indi pa pwede maamyendaran sa sulod sang tatlo ka tuig.
Sa matuod suno sa natungdan, ang Iloilo City ang labing una nga syudad nga nakaproseso sang nasambit nga route planning, kag ginsundan sang banwa sang Pototan, Passi City, Dumarao, Capiz; San Carlos City, Negros Occidental; kag Kabankalan, Negros Occidental.
Natalana naman ang pag-issue sang notice of compliance sang Land Transportation Franchising and Regulatory Board Central Office sa pag-amyendar sang Iloilo City Council sang Enhanced Local Public Transport Route Plan antes ang effectivity sini.
