Ginaduso sang isa ka environmental group sa Iloilo nga mas palaparon pa ang paggamit sang natural nga pamaagi sa pag-manage sang baha imbes nga magpokus lamang sa flood control projects (FCPs).
Sa interview sang Bombo Radyo kay Engr. Melvin Purzuelo, principal coordinator sang Green Forum Western Visayas, iya ginpahayag nga indi lang dapat magpahamtang sang mga istruktura kundi dapat man nga ma-integrate ang natural solutions nga makabulig sa pagpugong sang pagbaha sa mas madugay nga tion.
Suno pa kay Purzuelo, ang rainforest kag mga mossy forest amo ang natural nga depensa batok sa pagbaha.
Ini bangud ang rainforest naga-absorb sang ulan kag gina-release niya ini amat-amat sa panahon sang tag-ilinit.
Ginaduso man sini nga dapat i-revive ang assisted rainforestation projects sa kabukiran, kag magpatukod sang small water impounding areas nga pwede magamit para sa inland fishery, irigasyon, kag pagpatukod sang micro kag mini hydro power para man sa benepisyo sang mga pumuluyo.
Text: Bombo Cherie Mae Marcon
