ILOILO CITY – Pormal na nga nag-umpisa buwas nga adlaw, Mayo 16, ang pagpatuman sang General Community Quarantine sa bug-os nga syudad sang Iloilo.
May kaangtanan diri, napirmahan naman ni Iloilo City Mayor Jerry Treñas ang Executive Order kun ano ang protocol sa idalom sang General Community Quarantine.
Santo sa Executive Order 75 nga ginpirmahan sang alkalde, ginadumili-an sa gihapon nga magbukas ang mga masunod:
-Spa, Massage kag Facial Centers
-Gym, Fitness Studio kag Sports Facilities
-Libraries, Archives kag Museums
-Travel Agency kag Tour Operators
-Resorts, Parks, Beaches kag iban ka nga Liesure establishments
-Amusement centers kasubong sang movie theaters, computer shops, clubs, casinos kag cockpit
Ginadumili-an ang pagpatigayon sang:
-Mass gathering may kaangtanan sa Entertainment, Business, Political, Sports kag Membership Organizations
-Gambling kag betting activities
-Pagpahubog sa pampubliko nga lugar apang pahanugutan ang pagbaligya kag limitado lamang ang mahimo nga mabakal sa tagsa ka adlaw santo sa brand sang ilimnon
Ang mga negosyo nga pahanugutan nga magbukas amo ang mga masunod:
-Agriculture kag Fisheries Industry
-Manufacturing kag Processing Plants
-Hospital, Medical kag Dental Clinics
-Groceries, Supermarkets, Public Markets, Convenience Stores kag iban pa nga retail stores
-Food Preparation apang limitado lamang sa take-out kag delivery service
-Logistics kag Delivery Services
-Bangko kag Capital Markets
-Public Utilities kag iban pa nga kompaniya nga nagahatag sang major services
Pahanugutan naman ang pagbyahe sang mga pampubliko nga salakyan apang may yara sa gihapon sang curfew humalin 9:00 sa gab-i tubtub 4:00 sa kaagahon.
Kinahanglan sa gihapon ang pagsuksok sang face mask, pagsunod sa social distancing kag ginadumili-an nga pagguwa sa balay ang Senior Citizens, may balati-an, Persons With Disability kag ang mga naga-edad sang 20 anyos panubo.
Indi na kinahanglan ang quarantine pass apang kun halin sa iban nga lugar magluwas sa probinsya sang Iloilo, nagakadapat nga may yara sang pass nga dala.
