ILOILO – Ginaplastar na ni Iloilo Governor Arthur Defensor Jr. ang executive order kasunod sang announcement ni Presidential Spokesman Harry Roque nga indi na pag-ipaidalom ang probinsya sa community quarantine sa Mayo 16.
Sa interview sang Bombo Radyo kay Gov. Defensor, iya ginpahayag nga may yara sang mga features nga gindugang sa executive order bangud maga amat-amat na nga ma bukas ang mga establisimento.
Suno kay Defensor, naga abot ang tyempo nga kinahanglan buy-an ang enhanced community quarantine agud indi na mangin mahinay ang ekonomiya sang probinsya.
Apang pahayag sang gobernador, kinahanglan sa gihapon nga mag-andam kag indi magkumpiyansa apisar nga wala na sang community quarantine.
