ILOILO CITY – Makabig nga neurological disorder ang pag-angkon sang epilepsy ukon kuyap.
Sa pagpaathag sang Medical expert nga si Dr. Elvin Tiangha, madamo sang risk factors nga mahimo makatuga sang kuyapkun sa diin lakip diri amo ang low oxygen kadungan sang pagkabun-ag, head injuries, brain tumors, genetic conditions, infections, stroke kag abnormal levels sang substances kasubong sang sodium ukon blood sugar.
Suno kay Dr. Tiangha, wala sang kaayuhan ang kuyap apang paagi sa medical examination kag pagtumar sang prescribed medicines, mahimo nga mapahagan-hagan ang epekto sini.
Ginpahayag ni Dr. Tiangha nga ang kuyap ang mahimo nga magtuhaw sa bisan ano nga edad sa babayi man ukon sa lalaki, kun sa diin ang brain activity ang nangin abnormal na kag nagatuga sang seizures ukon periods of unusual behavior, sensations kag pagkalipong kun kaisa.
May kaangtanan sa pagsaulog sang National Epilepsy Awareness Week sa una nga semana sang Setyembre, ginpahanumdom sang natungdan nga importante gid ang pagpangayo sang bulig sa medical experts agud nga indi na maglala ang ginabatyag nga seizures.
