Ginmultahan sang P3.5 million sang Energy Regulatory Commission (ERC) ang National Grid Corporation of the Philippines (NGCP) kasunod sang kapaslawan sini nga ma-meet ang schedules sa pag-implementar sang pulo ka mga transmission projects.
Santo sa ginpaguwa nga statement sang Energy Regulatory Commission, sa isa ka desisyon nga napetsahan Hunyo 25, 2024 nga na-promulgate sang Agosto 31, 2024, nakasaad diri nga unjustified ang delays sang NGCP sa implementation sang pulo ka capital expenditure ukon CAPEX projects.
Ginpahayag man sang ahensya nga napasalawan ang NGCP nga malab-ot ang project timelines nga ginalakipan sang Baloi-Kauswagan-Aurora Transmission Line Project, Pagbilao EHV Substation Project, Antipolo EHV Substation Project, Tuy(Calaca) Dasmariñas Project, Cebu-Lapu-Lapu Transmission Project, Cebu-Negros-Panay (CNP) Backbone Project Stage 3, kag Tacurong-Kalamansig Line.
Gintumod man sang Energy Regulatory Commission nga obligasyon sang NGCP nga matapos ang mga proyekto santo sa timelines nga gin-aprubahan sang body nga applied man sa capital expenditure projects.
Ginpatpat man sini nga ang delay sa pag-implementar sang CAPEX projects ang nakaapekto sa reliability sang grid kag sa transmission system agud kontani maka-absorb sang new power capacities, kag public interest ilabi na sa mga konsumidor.
