Ginkumpirma sang Iloilo International Airport nga nagpatigayon sang emergency landing sa Iloilo International Airport ang isa ka eroplano halin sa Dumaguete nga padulong kuntani sa Manila.
Ang involved amo ang Philippine Airlines flight PR 2544 (RP-C8619).
Suno sa airport, sandig sa reports, nagkulang ang oxygen supply sa cabin matapos nga nakalab-ot ang eroplano sa cruising altitude nga 32,000 ft.
“A Philippine Airlines flight PR 2544 (RP-C8619) from Dumaguete to Manila made an emergency landing at Iloilo International Airport at 4:30 PM this afternoon.
Reports indicate that the oxygen supply in the cabin was insufficient after the aircraft reached its cruising altitude of 32,000 ft.,” suno sa management sang paluparan sa isa ka Facebook post subong nga hapon.
Safe nga nakahugpa ang eroplano apang may pila sa mga pasahero nga ginhatagan sang medical assistance.
“The aircraft landed safely; however, some passengers required immediate medical assistance upon arrival,” kabahin pa sang post sang paluparan.
