Patay ang 62 ka mga tawo sang nagtibusok ang ila ginasakyan nga eroplano sa Vinhedo sa naaminhan-nakatundan sang São Paulo, Brazil.
Sa mga biktima, 58 ang pasahero kag apat ang crew.
Suno sa city officials sa Valinhos nga kaiping sang Vinhedo, isa ka balay sa local condominium complex ang nahalitan man bangud sa plane crash apang ginkumpirma nga wala sang residente nga nasamaran ukon napatay.
Una nga nag-anunsyo si Brazilian President Luiz Inácio Lula da Silva sang numero sang sakay sang aircraft lakip na ang paghingyo sang isa ka minuto nga kalinong para sa biktima sang amo nga trahedya.
Sandig sa nagaguwa nga videos, nagtiyog-tiyog pa antes nagtibusok ang eroplano kag nagkalayo sang yara na sa duta.
Sa data sa Flightradar24, ang Voepass plane ang nagbiya sa Cascavel sa state of Parana kag padulong sa main international airport sang São Paulo sang nadulaan ini sang signal 1:30 p.m. local time sa Brazil.
Gina-imbestigaran pa kun ano ang rason sang pagtibusok sini.
