Matapos ang makahalanusbo nga trahedya sang nagligad nga Disyembre sang natabo nga Jeju air crash sa South Korea nga ginkamatay sang 179 ka mga tawo, isa na naman ka eroplano nga sakay ang 176 ka tawo ang nasunog sa Busan airport.
Ini amo ang Airbus A321 nga gina- operate sang South Korean carrier Air Busan.
Ginpahayag nga nagapreparar na sa paglupad sa Gimhae International Airport sa Busan padakto sa Hong Kong sang nag-aso ini kag nagkalayo.
Gilayon naman nga ginpagwa ang 169 ka mga pasahero kag pito ka crew members.
Apat naman ang nag-angkon sang minor injuries sang ginpatigayon ang emergency evacuation.
Nagsugod ang kalayo sa likod nga bahin sang aircraft.
Ang Airbus A321, isa ka 17-year-old model, ang nag-angkon sang tuman ka dako nga damage.
Naglunsar na ang otoridad sang imbestigasyon sa kabangdanan sang sunog.
