Ginpanindugan ni Senate President Chiz Escudero nga mangin patas ang Senado sa impeachment trial batok kay Vice President Sara Duterte.
Suno kay Escudero, wala siya na-pressure kasunod sang petisyon ni Bayan Muna Chairperson Atty. Neri Colmenares nga manduan ang mga senador nga gilayon nga mag-convene bilang impeachment court.
“Dalawang buwan ‘yan inupuan ng mga congressman… Sino naman sila ngayon para madaliin kami samantalang sila naman ay tila hindi nagmamadali kaugnay sa kanilang reklamo mismo?”
Ginpahayag sini nga kinahanglan nga may sesyon ang Senado ukon Kamara antes mag-convene sang impeachment court.
Maathag suno sa natungdan sa ila rules nga tubtob naka-recess ang sesyon sang Kongreso, wala sang matabo nga trial.
“Kailangan may sesyon ang Senado. Kailangan may sesyon ang Kongreso bago kami makapag-convene ng impeachment court.”
Matandaan nga kahapon, ginmanduan sang Korte Suprema ang Senado nga magpasa sang kumento sa petition nga nagahingyo sa ila nga mag-akto gilayon sa impeachment trial batok kay Duterte.
Ang petition ang gin-file ni former special counsel of the Presidential Commission on Good Government (PCGG) Atty. Catalino Generillo.
