Nagpahanumdom si Presiding officer kag Senator-judge Francis “Chiz” sa tanan nga involved nga partido sa nagapadayon nga impeachment trial ni Vice President Sara Duterte, nga mag-obserba sang propesyonalismo kag pagka-sibilisado sa pihak sang nagainit nga tension.
Ginhimo ini ni Escudero sa pagsugod gid sang ika-33 nga adlaw sang trial.
Suno kay Escudero, indi dapat magpadala ang mga partido sa ano man nga rant ukon paglupok sang emosyon, sa sulod man ukon sa gwa sang korte.
Dapat suno kay Escudero, magpabilin nga nakasentro ang impeachment court sa pagbusisi sang ebidensya kag pagdesisyon nga may hustisya kag mangin patas.
Nagpanawagan man si Escudero sa mga abogado nga sundon ang Code of Professional Responsibility and Accountability, partikular ang probisyon tuhoy sa dungganon nga mga aktwasyon.
Suno kay Escudero, indi katuyuan sang mga involved sa trial nga mangibabaw batok sa isa kag isa kundi buligan ang korte nga matigayon sang insakto kag patas ang proseso.
Samtang, wala nanam gintumod ni Escudero kun ano nga insidente ang ginatumod niya nga mga “ranting ukon tantrum,” apang sang Biyernes, ginpakamalaot ini ni anay senador Antonio Trillanes IV bangud sa indi pag-isyu sang subpoena sa iya bilang testigo sang prosecution.
