Ginbuyagyag ni anay AKO Bicol Partylist Rep. Zaldy Co nga si anay Senate President Francis “Chiz” Escudero ang nagduso sang P150 bilyon nga insertions sa 2025 national budget.
Suno kay Co, anay chairman sang House Committee on Appropriations nga ini ang ginplastar niya sa iya nga sulat kay Presidente Ferdinand Marcos Jr. nga iya ginpakigbahin sa Facebook.
Ang nasambit nga sulat ang ginpadala ni Co kay Presidente Marcos sang Pebrero 2025.
Ang sulat nagaunod sang mga detalye sa insertions sa proposed 2025 national budget.
Si Escudero ang nagapungko nga Senate President humalin Mayo 20, 2024 tubtob Septyembre 8, 2025.
Base sa rebelasyon ni Co, ang P150 bilyon ang kabahin sang kabilugan nga P200 bilyon ng insertions sa 2025 outlay nga ginbutang sa pondo sang Department of Public Works and Highways (DPWH).
Suno kay Co, luyag ni Escudero ang P200 bilyong alokasyon sa Senado nga gin -adjust sa P150 bilyon kun sa diin P145 bilyon ang sa DPWH kag P5 bilyon para sa AKAP ukon ang Ayuda Para sa Kapos ang Kita Program nga ginbutang sa unprogrammed funds.
Ang nabilin nga P50 bilyon ang ginbutang naman sa unprogrammed funds.
Dugang ni Co, sang 2023, yara sa P150 bilyon ang alokasyon sa programmed funds para sa mga ahensiya sang gobyerno nga ginpataas sa P165 bilyon sang 2024.
