Kun may yara sang bagyo sa Pilipinas, kadam-an nga mga klase ang gina-kansela ilabi na ang mga yara sa elementarya.
Na imagine mo bala nga pa-eskwelahon ang imo kabataan nga ang temperatura ang yara na sa -50° Celsius?
Didto sa Oymyakon sa Russia, sa tion nga magnubo sa -52° Celsius ang temperatura, ang naga-isahanon nga primary school sa lugar ang nagasirado sa diin ginapa-iway ang klase.
Apang para sa mga naga edad 12-anyos pasaka, kinahanglan nila nga mangin maisog agud nga pakigbatu-an ang katugnaw sa tion nga magsulod sa eskwelahan tubtob nga indi magnubo sa -50° Celsius ang temperatura nga amo ang basehan agud nga ikansela man ang ila nga klase.
Gani kun ang imo kabataan ang nagareklamo sa katugnawon sa guwa, mahimo mo gid nga ipakita ang sitwasyon sang mga kabataan sa Oymyakon nga sa pihak sang tuman ka tugnaw, dedikado ang mga ini sa gihapon magsulod sa eskwelahan.
